Leiðbeiningar og þjónusta
Einfalt og vel framsett kennsluefni ásamt hnitmiðuðu námskeiði er forsenda þess að notendur Eplica vefumsjónarkerfisins geti nýtt sér hina fjölmörgu eiginleika þess til fulls. Mikil áhersla er lögð á að kenna notendum vel á kerfið svo þeir verði sem mest sjálfbjarga við notkun þess. Þjónustuborð Hugsmiðjunnar er öllum opið og þar eru lipurð og skjót viðbrögð sett í öndvegi.
Hugsmiðjan býður notendum Eplica upp á ítarlegt námskeið þar sem að farið er vel yfir helstu atriði sem koma umsýslu efnis í Eplica við. Einnig er boðið upp á upprifjunarnámskeið fyrir hópa eða einstaklinga.
Notendur geta smellt á hjálpar-hnappa víðsvegar í kerfinu til að fá ítarlegar leiðbeiningar um það sem á við hverju sinni.
Þjónustuborð Eplica er opið alla virka daga milli klukkan 9:00 og 17:00. Viðskiptavinir geta nýtt sér þekkingu starfsmanna Hugsmiðjunnar í gegnum síma eða fengið sendar upplýsingar í gegnum tölvupóst.

