Tæpum fjórum árum eftir opnun þjónustunnar "Mínar stillingar" eru á annað hundrað íslensk vefsvæði að nýta hana. Þar á meðal eru þrír mest sóttu vefir Íslands skv. samræmdri vefmælingu. (Auðlesinn mbl.is, vísir.is og já.is). Það er einnig áberandi að vefsvæði á vegum opinberra aðila og stofnana eru dugleg við að stuðla að bættu aðgengi á vefjum sínum í samræmi við yfirlýsta stefnu stjórnvalda.

Starfsmenn Hugsmiðjunnar völdu Karitas, hjúkrunar- og ráðgjafaþjónustu, sem Samfélagsvef Hugsmiðjunnar 2010. Karitas mun á næstunni fá afhentan fullbúinn vef frá Hugsmiðjunni.

Ragnheiður er vélaverkfræðingur að mennt og hefur mikla reynslu af stjórnun í hugbúnaðargeiranum, til dæmis sem verkefnastjóri fyrir vöruþróun hjá Símanum og framkvæmdastjóri hjá Mentis Software.

Árlega gefur Hugsmiðjan fullbúinn vef til félagasamtaka sem vinna að þjóðfélagslega mikilvægum verkefnum. Í því felst að við gefum Eplica vefumsjónarkerfið, hönnun, forritun, uppsetningu og aðra vinnu sem þarf til að opna fullbúinn vef. Meðal samtaka sem fengið hafa vef af þessu tagi á undanförnum árum má nefna Götusmiðjuna, Íslandsdeild Amnesty International, Mannréttindaskrifstofu Íslands og fleiri.