UT-vefurinn - upplýsingatækni á vegum hins opinbera
Nýr vefur í Eplica-kerfi Hugsmiðjunnar
Til þess að koma til móts við þessar þarfir hefur vefnum www.utvefur.is verið komið á laggirnar. Telja má víst að UT-vefurinn nýtist ýmsum öðrum en ríkisstofnunum svo sem sveitarfélögum, fyrirtækjum og almenningi í landinu. Vefurinn er unninn af Hugsmiðjunni og keyrir í Eplica-kerfinu.
Markmið með UT-vefnum:
- Greiða fyrir þróun rafrænnar stjórnsýslu
- Auðvelda aðgengi að upplýsingum um upplýsingatækni
- Vera vettvangur og bakland sértækra málefna sem efst eru á baugi hverju sinni, sbr. utdagur, rafræn viðskipti, öryggismál, opinn hugbúnað, aðgengismál o.s.frv.
- Miðla og safna upplýsingum um upplýsingatækni, t.d. varðandi rekstur, fyrirmyndir og hugmyndir
- Vera hugmyndabanki og vettvangur umræðna um upplýsingatækni
- Veita fræðslu um ýmislegt sem varðar upplýsingasamfélagið almennt, t.d. stefnu ríkistjórnarinnar, lög og reglugerðir, tölfræði, verkefni sem eru í vinnslu o.s.frv
- Vera vettvangur þar sem hagsmunaaðilar og félagasamtök geta komið á framfæri upplýsingum
Markhópur UT-vefsins:
- Þeir sem vinna með upplýsingatækni í opinberum stofnunum (ríki og sveitarfélög), almennir stjórnendur, fagmenn og þeir sem stýra upplýsingatæknimálum
- Sérstakur markhópur eru stjórnendur og starfsmenn lítilla stofnana.
- Almenningur og aðrir sem nýta sér upplýsingatækni.
UT-vefurinn er í umsjá forsætisráðuneytisins og á ábyrgð þess.