Vegagerðin opnar nýjan vef
Upphaf þessa verkefnis má rekja til júnímánaðar 2004 en þá var settur á laggirnar stýrihópur sem hafði það markmið að koma með tillögur að nýjum vef fyrir Vegagerðina. Á haustdögum þetta ár gekk Haraldur Gunnlaugsson til liðs við hópinn sem ráðgjafi, en hann var þá verkefnastjóri hjá Hugsmiðjunni.
Stýrihópurinn gerði ítarlega úttekt á þörfum stofnunarinnar og framtíðarsýn í vefmálum og skilaði skýrslu um það í desember 2004. Sú skýrsla var lögð til grundvallar við áframhaldandi vinnu Vegagerðarinnar og Hugsmiðjunnar við vefinn.
Þessi vinna er nú að skila sér í nýjum og glæsilegum vef.