Verkferlakerfi

Verkferlakerfi Eplica er ætlað fyrir þá viðskiptavini sem gera kröfur um fyrirfram skilgreind ferli tengd útgáfu efnis, og gera kröfur um ítarlegri verkaskiptingu en grunn-aðgangsstýringar Eplica bjóða.

Kerfið byggir á því að búnir eru til verkferlar, sem samanstanda af röð verkþátta. Fyrir hvern verkþátt er skilgreint hvaða notendur eða notendahópar þurfa að ljúka honum.

Með því að tengja verkferlana við ákveðna hluta vefsins stýra þeir þar með allri útgáfu efnis og breytingum á efni sem þegar hefur verið gefið út.

Dæmigerður verkferill gæti t.d. samanstaðið af eftirfarandi verkþáttum:

1. Ný frétt er skrifuð.
2. Frétt er prófarkarlesin.
3. Útbúið er afrit af fréttinni til þýðingar á enskum hluta vefsins.
4. Frétt er samþykkt.
5. Frétt er gefin út og kerfið sendir sjálfkrafa tilkynningu á áskrifendur að fréttalistum.