Hönnunarhandbók

Hugsmiðjan / Eplica hefur undanfarin misseri byggt upp HTML hönnunarhandbók ætlaða fyrir forritara, kerfishönnuði og síðusmiði. Markmiðið er að staðla vinnuaðferðir og tryggja að þær veflausnir sem unnar eru uppfylli helstu kröfur um gott aðgengi, einfalda notkun, sveigjanleika í útliti og ekki síst að ýta undir og auðvelda endurnýtingu vefviðmótseininga.

Handbókin auðveldar einnig nýjum starfsmönnum eða utanaðkomandi verktökum að temja sér "rétt verklag".

Hönnunarhandbókin er afurð margra ára markvissrar vinnu Hugsmiðjunnar við að hámarka sveigjanleika, fyrirsjáanleika og endurnýtingu í okkar eigin lausnum, og við fylgjum þessari handbók sjálfir í allri okkar þróun fyrir viðskiptavini.

Handbókin einskorðast alls ekki við Eplica kerfið og nýtist við alla vefforritun. Aðilar á borð við EFTA Surveillance Authority, Tryggingarstofnun Ríkisins, Íslandsbanka, Kaupþing og VÍS hafa notfært sér handbókina og jafnframt notið aðstoðar okkar við hönnun sérsniðinna lausna.

Með því að gefa handbókina út í vefformi er tryggt að henni er reglulega viðhaldið og að áskrifendur geta komist í hana hvar sem er í heiminum.

Aðgangur að hönnunarhandbók er með áskriftarfyrirkomulagi.